Grabe ang trapik nga nasinati karong buntag, Mayo 20, sa National Highway dapit sa Licanan, Lasang, Davao City human kalit nga mibaha ang kalsada nga miabot pa sa checkpoint sa TF-Davao.
Base sa impormasyon gikan kang Kapitan Allan Simo-ag sa Barangay Lasang, nagsugod ang pagbaha pasado alas 6:00 sa buntag.
Ang pagbaha gikompirmar nga resulta sa pag-awas sa Licanan-Bunawan River tungod sa kusog nga ulan nga nahitabo sa kabukiran sa Paquibato District.
Sa pagkakaron, hinay-hinay na kini og kahubas.(Camille Santos Naraga)(Source: Contributed)