DAVAO CITY – Usa ka lalaki ang gipusil-patay sa usa ka gasoline station sa Bago Aplaya, Davao City karong udto, Disyembre 23, 2025, duha ka adlaw bago ang Pasko.
Gibase sa report sa Baliok Police Station 17, ang biktima naila nga si George Tan Ledesma, gibana-bana nga 30-45 anyos, ug residente sa Danville Subdivision, Visayan Village, Tagum City, Davao del Norte.
Sumala sa kapulisan, gikan sa pagpamalit og tambal ang biktima ug nagbaktas paingon sa Shell gasoline station sa dihang gisundan siya sa usa ka armado. Kalit lang siya gipusil sa ulo og makaduha ka higayon, nga misangpot sa iyang dayon nga kamatayon.
Ang suspek, nga nakasuot og helmet ug long sleeves, misibat padulong sa Toril, Davao City human sa insidente.(Camille Santos Naraga)(Source: Contributed)