Nadakpan sa kapulisan ang usa ka suspek sa ilegal nga droga nga nailhan sa alyas “Tasio” atol sa buy-bust operation nga gipahigayon sa Barangay Pangibiran, lungsod sa Mabini, Davao de Oro sa gabii sa Marso 13, 2026.
Ang operasyon gipangunahan sa mga operatiba sa Mabini Municipal Police Station uban sa koordinasyon sa 2nd Davao de Oro Provincial Mobile Force Company, 1101st Maneuver Company Regional Mobile Force Battalion 11 ug sa Philippine Drug Enforcement Agency (PDEA).
Nadakpan ang suspek tungod sa paglapas sa Republic Act 9165 o Comprehensive Dangerous Drugs Act of 2002.
Nasakmit sa mga otoridad gikan sa suspek ang pipila ka sachet nga naglangkob sa gituohang shabu, buy-bust money ug uban pang drug paraphernalia.
Ang suspek ug ang mga nakuhang ebidensya karon anaa na sa kustodiya sa Mabini Municipal Police Station alang sa hustong dokumentasyon ug pagsaka sa kaso.