Nasakmit sa kapulisan ang gibanabanang P340,000 kantidad sa gituohang shabu human gironda ang pinuy-anan sa usa ka gikonsiderang top drug personality sa Purok 3A, Barangay La Filipina, Tagum City kagahapon sa buntag, Marso 13, 2026.
Giila sa kapulisan ang nadakpan nga suspek nga si alyas “Ryan,” 39 anyos, minyo ug nagtrabaho isip TOGO dispatcher.
Pinangunahan sa mga operatiba sa Tagum City Police Station, kauban ang SWAT 1st Davao del Norte Provincial Mobile Force Company (DNPMFC) ug Regional Drug Enforcement Unit (RDEU), ang pagserbisyo sa search warrant batok sa suspek.
Sa pag-inspeksyon sa balay, narekober sa mga pulis ang gituohang shabu nga motimbang og dul-an 50 gramos nga gibanabanang nagkantidad og P340,000, lakip ang nagkadaiyang drug paraphernalia.