Davao City – Dali nga miresponde ang mga sakop sa City Explosive Ordnance and Canine Unit (EOD) ubos sa Davao City Police Office (DCPO) human adunay nadawat nga report nga adunay unattended nga bag nga nahibilin kilid sa usa ka kan-anan duol sa Buhangin Gym, Davao City.
Sumala sa report ang bag dili klaro ang sulod maong dali nga gisusi ug gipangusgan sa mga EOD team ang lugar aron masiguro ang kaluwasan sa tanan.
Ang inspektor sa EOD, uban sa ilang mga serbisyo sa canine unit, nagpatuman og mga standard safety protocols aron matino kung adunay posibleng peligro. Pagkahuman sa ilang eksaminasyon, nasayran nga ang bag naglangkob lamang sa mga unused clothes, plato, ug assorted toys, nga nagpasabot nga walay bisan unsang delikadong sulod.
Gipasalamatan usab sa mga otoridad ang publiko nga dali nga nakahibalo ug nakareport sa nahibiling bag.
Ang insidente usa ka pahimangno nga ang mga public safety measures kinahanglan nga magpadayon sa pagtukod og awareness sa tanang katawhan sa Davao City. (Camille Santos Naraga)
(Source: DCPO)