DAVAO CITY — Gibisita ni Governor Raul Mabanglo ang Provincial Disaster Risk Reduction and Management Office (PDRRMO) karong adlawa, Hulyo 2, aron hisgutan ang mga lakang sa pagpabakod sa mga programa alang sa disaster mitigation ug prevention.
Kauban si PDRRMO Head Joseph Randy Loy, gisusi sa gobernador ang Emergency Operations Center ug ubang pasilidad sa buhatan aron matan-aw ang ilang kahandam.
Gitan-aw usab sa gobernador ang mga kagamitan sa motorpool sa Provincial Engineer’s Office nga gamiton sa emerhensiyang tubag, lakip na ang bag-ong natukod nga building sa Provincial General Services Office (PGSO).
Ang pagpalig-on sa disaster preparedness nagpabiling prayoridad sa administrasyon ni Governor Mabanglo.(Camille Santos Naraga)(Source: Contributed)