Davao de Oro – Balik na ugmang adlawa ang face-to-face classes sa tanang level sa pampubliko ug pribadong mga eskwelahan sa Nabunturan.
Kini base sa Executive Order No. 18 Series of 2023 na pirmado ni Nabunturan Mayor Myrocel C. Balili human sa rekomendasyon sa Municipal Disaster Risk Reduction and Management Office o MDRRMO, nga safe na ang mga establisemento nga gamiton human ang assessment nga ilang gihimo.
Kahinumduman nga temporaryong gi-suspende ang pagpahigayon sa face-to-face classes tungod sa sunod-sunod nga linog nga nahitabo.
Samtang magpadayon sa modular o blended learning ang mga eskwelahan nga dili luwas gamiton ug kadtong mga gigamit isip mga evacuation sites sa mga naapektuhan sa sunod sunod nga linog. (Camille Santos Naraga)
(Source: CIO)