Davao City – Lusot na sa Third and Final Reading sa House of Representatives ang House Bill 11072 nga mas nailhan sa tawag nga Expansion sa Davao Light and Power Company (DLPC) sa Franchise Area sa Northern Davao Electric Cooperative (NORDECO).
Ang giingong house bill giaprubahan sa 19th Congress.
Sa tala sa voting result 181 ka mga Kongresista ang mipabor, 9 ang misupak ug 1 ang nag-abstain.
Ang giingong balaud makahatag ug serbisyo sa Tagum City, Island Garden City of Samal (IGACOS), mga munisipyo sa Asuncion, San Isidro, Kapalong, New Corella ug Talaingod ug ang Maco, Davao de Oro.
Samtang, 25 ka tuig usab ang gihatag nga termino sa operasyon ngadto sa DLPC. (Camille Santos Naraga)
(Source: Contributed)