Davao City – Patay ang usa ka kanhi sundalo human kining gipusil sa ‘wa mailhing suspek sa Lakandula St. corner Jerome Extension Brgy. R. Castillo Agdao.
Giila sa kapulisan ang biktimang si Gerardo Sardan Katigbak, 36-anyos ug residente sa Mutual Homes barangay Buhangin.
Subay sa report, samtang anaa ang biktima sud sa iyang sari-sari store uban iyang live-in partner ingon man ang helper niini kalit nga miabot ang suspek dayon gipusil ang biktima katulo ka beses nga igo sa ulo hinungdan sa iyang kamatayon.
Suma sa mga witnesses, may kauban nga tulo ka mga lalaki ang suspek nga nagsilbing look out dayon misakay sa duha ka mga motor ug misibat.
Nasayran nga pirming makadawat og death threat ang magtiayon human nga nakalingkawas sa ambush ang biktima niadtong Hulyo 2022. (Camille Santos Naraga)
(Source: DCPO)