Cabadbaran, Agusan del Norte – Dali ng miresponde ang 29th Infantry ‘Matatag’ Battalion ug 30th Infantry ‘Fight’on’ Battalion human aduna kini report nga nadawat gikan sa mga sibilyan nga adunay presensiya sa mga miyembro sa Communist Terrorist Group mao nga nagka engkwentro niadtong Hunyo 16, 2023.
Subay sa report sa 29th IB anaa sa 30 ka mga miyembro sa CTG ang ilang naengkwentro sa Mt. Apo-Apo, Sitio Dugyaman, Barangay Anticala, Butuan City.
Nagpatabang pa og close air support ang mga sundalo aron malikayan nga adunay tropa ang maigo og IED nga miresulta sa pagkamatay sa 3 ka mga CTG nga wala pa mailhi ug nakarekober sab ang mga sundalo og 15 ka mga assorted high powered firearms, personal nga gamit, laptop ug mga sobersibong dokumento.
Samtang, gipasalamatan ni LtCol. Cresencio Gargar ang Commanding Officer sa 29th IB ang mga sibilyan sa pagreport sa dayon sa presensiya sa mga miyembro sa CTG. (Camille Santos Naraga)
(Source: 29th Infantry “Matatag” Battalion, Philippine Army)