Santa Maria, Davao Occidental – Sikop ang usa ka Emoleyado sa LGU human Nagpahigayon ug joint drug buy bust operation ang mga operatiba sa PDEA-Davao Occidental, PDEA-XI, DOPPO, CIDG, 2nd Maneuver Platoon, 1st DOPMFC, Santa Maria Municipal Police Station ug Philippine Coast Guard sa Barangay Poblacion.
Giila sa PDEA-XI ang suspek nga si Ronald Peter Mariscal alyas “Mano”, 53 anyos ug residente sa Barangay San Agustin sa nahisgutang lungsod.
Subay sa report sa PDEA-XI, napalitan ang suspek og usa ka sachet nga naay sulod sa gituohang shabu sa kantidad nga 1000 pesos ug laing 2 pa ka sachets nga naay sulod sa gituohang shabu ang nasignit sa iyang possession.
Apil usab sa nakumpiska sa mga otoridad ang marked money ingon man ang motorsiklo nga gigamit sa transaksiyon.
Kung mapamatud-an sa korte ang ang suspek sa salaud nga iyang nahimo,mapriso ug dili na kini makabalik pa og trabaho sa gobyerno subay sa Republic Act 9165 kon Comprehensive Dangerous Drugs Act of 2002. (Camille Santos Naraga)
(Source: PDEA-XI)
