DAVAO DE ORO — Duha ka persona ang nadakpan sa bag-ong gipahigayon nga operasyon sa kapulisan batok sa iligal nga droga sa Barangay Upper Ulip. Ang maong operasyon kabahin sa padayon nga kampanya sa Philippine National Police (PNP) aron mapugngan ang pagkatap sa iligal nga droga sa komunidad.
Sumala sa kapulisan, ang duha ka nadakpan mga residente usab sa maong barangay. Malampuson nga natuman ang operasyon nga walay nahitabong insidente, nga nagpakita sa koordinado ug episyenteng aksyon sa mga otoridad.
Sa kasamtangan, ang mga dinakpan anaa na sa kustodiya sa kapulisan ug pasakaan og kaso ubos sa Republic Act 9165 o ang Comprehensive Dangerous Drugs Act of 2002.(Camille Santos Naraga)(Source: Contributed)