DAVAO CITY – Nakaplagan ang duha ka patay’ng lawas sa lain-laing sapa ug lugar sa Davao City pasado alas-otso sa buntag, Lunes, Septyembre 15.
Ang unang bangkay, nga wala pa mailhi, napalgan sa Purok 6, New Cogon, Barangay Malagos, Baguio District. Samtang ang ikaduha nga biktima giila nga si alyas Noel, 47-anyos, usa ka laborer ug residente sa Barangay Tamayong, Calinan District. Ang iyang lawas nakita sa Barangay Riverside, Calinan District.
Padayon pang ginasuta sa mga otoridad kun kini silang duha sakop sa mga naanod sa Talomo River human mikusog ang tubig sa sapa tungod sa kusog nga ulan niadtong Domingo, Septyembre 14. (Camille Santos Naraga)(Source: Contributed)