Davao City – Patay ang usa ka indibidwal samtang kritikal ang usa pa human gipamusil ang duha sa wa mailhing suspek pasado alas 11:20 gahapong adlawang, Nobyembre 24 sa Corner Padre Gomez ug Mabini St. Brgy. 33-D.
Walay nakuhang identification card sa nga biktima rasod nga wa kini mailhi.
Base sa report, patay on the spot ang adunay tattoo sa kamot ug dughan kinsa gibana-banaang anaa sa 20 anyos ang pangidaron samtang kritikal usab ang usa kinsa anaa Southern Philippines Medical Center
Sumala ni Police Major Marvin Hugos, Chief of Police sa San Pedro Police Station 2, samtang naglakaw ang duha sa maong lugar kalit silang gipamusil sa wa mailhing armado gamit ang di matinong armas.
Sa karon, padayon ang kapulisan sa pag-imbestiga sa giingong krimen. (Camille Santos Naraga)
(Source: San Pedro Police Station)