DAVAO CITY — Nasikop ang usa ka lalaking giilang si alyas “Mascod” sa usa ka drug buy-bust operation nga gipahigayon sa Philippine Drug Enforcement Agency–BARMM, kauban ang 34th Infantry Battalion sa Philippine Army, didto sa Purok 1, Balacayon, Pahamuddin, Special Geographic Area (SGA) sa BARMM, niadtong Hulyo 29, 2025.
Gibaligyaan sa suspek ang undercover agent og lima ka sachet nga adunay sulod sa gituohang shabu.
Apan dili lang droga ang nasakmit — nakuhaan pa kini og .45 caliber nga pistola ug MK2 hand grenade, base sa imbestigasyon sa PDEA-BARMM.
Padayon ang imbestigasyon sa kaso samtang gisaulog sa mga otoridad ang kalampusan sa operasyon batok sa iligal nga droga ug armas sa rehiyon.(Camille Santos Naraga)(Source: Contributed)