Davao del Norte — Giinspeksyon ni Mayor Rey Uy sa syudad sa Tagum, kauban ang mga engineer sa DPWH ug City Engineering Office, ang Governor Miranda Bridge I kaganihang buntag, Hulyo 30, 2025, isip preparasyon sa pagsugod sa mga trabaho sa maong tulay.
Ang tulay nga nagkonektar sa Tagum ug Carmen gi-sirado na sa publiko human masuta nga delikado na kini gamiton.
Nagpahayag si Mayor Uy sa iyang pagpasalamat sa National Government tungod sa positibong pagtubag sa iyang hangyo nga ayohon dayon ang tulay. Gikatakdang masugdan ang konstruksyon sa labing madali nga panahon.
Samtang sirado pa ang Governor Miranda Bridge I, gipatuman ang two-way traffic sa Gov. Miranda Bridge II, nga nailhan nga pinakataas nga tulay sa Davao del Norte, aron masiguro ang padayon nga daloy sa trapiko.(Camille Santos Naraga)(Source: Mayor Uy FB Page