Davao City – Sikop ang 3 ka indibidwal human nadiskubrihan ang usa ka drug den atoll sa gikasang drug buy bust operation sa mga sakop sa Regional Special Enforcement Team sa Philippine Drug Enforcement Agency Regional Office XI kauban ang National Bureau of Investigation XI SEMRO ug Ecoland Police Station 15 sa Purok Anahaw, Barangay Buhangin.
Giila sa PDEA XI ang target sa buy bust operation nga si Loreto Ga alyas Leetoy, 40-anyos, drug den maintainer ug residente sa maong lugar.
Sumala sa report, atol sa operasyon nasakpan usab sa mga kapulisan ang duha ka indibidwal kinsa nag shabu session ug giilang sila Jerald Ebu yg A-Jay Gutierrez.
Nakuha ang usa ka pakete sa gituohang shabu nga adunay timbang 1 gram ug nag-kantidad og P6,000 pesos ug laing 3 ka mga pakete sa gituohang shabu nga anaa sa 12grams ang gidaghanon ug nakantidad og P81,600 pesos.
Sa karon himas rehas ug magatubang sa kasong pag sa Republic Act 9165 o ang Comprehensive Dangerous Drugs Act of 2002 ang mga dinakpan. (Camille Santos Naraga)
(Source: PDEA)