MONKAYO, Davao de Oro – Gipakusog sa Davao de Oro Police Provincial Office (DDOPPO) ang ilang kampanya batok sa ilegal nga droga human sa malampusong pagdakop sa duha ka suspetsado sa usa ka buy-bust operation sa gabii sa Pebrero 22, 2026, sa Barangay Union, Monkayo.
Ang operasyon gipahigayon sa mga operatiba sa Monkayo Municipal Police Station – Municipal Drug Enforcement Unit, kauban ang 1st Davao de Oro Provincial Mobile Force Company ug sa koordinasyon sa Philippine Drug Enforcement Agency (PDEA).
Ang nadakop nga mga suspetsado giila sa mga alyas nga “Totong” ug “Noel,” pawang mga lalaki.
Atol sa operasyon, nasamsam sa mga otoridad ang daghang mga sachet nga adunay ginatuhang shabu, ang buy-bust money, ug lain-laing personal nga mga butang ug drug paraphernalia. Ang operasyon gihimo ubos sa direktang pagdumala sa Provincial Director aron masiguro ang hugot nga pagsunod sa mga gitakdang operational procedures ug sa mga balaod nga ginahimo.