Davao City – Gipasakahan na ang driver sa motorcycle nga nailang si Arjun Velarde, 21 anyos, nga nakabangga patay sa usa ka matadero nga nailang Leonardo Gabutan Agbon, 55 anyos nga taga Exodus Father Selga, Brgy.8-A Davao City nahitabo niadtong alas 6:20 sa gabii, Hunyo 6,2023 atubangan sa slaughter house Brgy.Maa ning dakbayan.
Sumala kang Police Chief Master Sargent Joseph Pantinople Jr., Traffic investigator sa Maa Police Station, gibutyag niini nga kasong Reckless Imprudence Resulting to Homicide ang gipasaka sa korte batok sa driver.
Dugang niini, dunay initial nga nasabutan matud pa sa duha ka kampo nga planong mag-ariglo.
Kahinumdoman niadtong milabay’ng adlaw, pabalik na unta ang biktima sa iyang trabaho sa dihang nitabok sa nasampit nga lugar apan kalit nga nabangaan sa single nga motorsiklo gikan sa San Rafael padulong Diversion Road.
Gitabang pa kini sa mga awtoridad ug personahe sa 911 apan nakabsan sa kinabuhi ang biktima. (Camille Santos Naraga)
(Source: Davao PNP)