DAVAO CITY — Gidakop ang usa ka driver nga nakasulod sa listahan sa Most Wanted Persons sa Davao City Police human mapamatud-an nga aduna siyay warrant of arrest sa kasong Statutory Rape.
Ang nadakpan nga suspek mao si alyas “Ward,” 34 anyos, residente sa Vista Verde Village, Panacan, Davao City. Natabo ang pagdakop sa Tuyac Village, Canary Site, Polomolok, South Cotabato, alas 9:00 sa buntag niadtong Disyembre 9, 2025.
Ang warrant of arrest gi-isyu sa korte niadtong Agosto 13, 2024 ug gipirmahan ni Judge Glenn De Castro Aquino, Presiding Judge sa RTC Branch 8, Davao City. Wala’y girekomendang piyansa alang sa temporaryong kagawasan sa suspek.
Gihimo ang pagdakop sa mga pulis gikan sa Buhangin Police Station 5.(Camille Santos Naraga)(Source: Contributed)