DAVAO CITY — Naangul ang usa ka pasahero sa tricycle human mabanggaan kini sa usa ka Toyota Wigo sa National Highway, Barangay Lizada, Toril District, Davao City, bandang alas 8:00 sa buntag niadtong Disyembre 9, 2025.
Sumala sa traffic investigator sa Toril Police Station 8, pareho nga nagsubay sa inner lane padulong sa Santa Cruz, Davao del Sur ang tricycle ug ang Toyota Wigo. Ang tricycle gimaneho ni Leobert Lingatong Castro, 41 anyos, samtang ang Toyota Wigo gimaneho ni Andrea Isabel Selim Ligaray, 30 anyos. Napakyas ang driver sa Toyota Wigo sa pagmintinar sa husto nga distansiya, hinungdan sa bangga ug pagkaangul sa pasahero sa tricycle.
Matud sa kapulisan, nagkaareglo na ang duha ka partido ug wala na’y reklamo nga gisumite. (Camille Santos Naraga)(Source: Contributed)