DAVAO CITY – Nipirma og Memorandum of Agreement (MOA) ang Department of Public Works and Highways (DPWH) ug ang Philippine Space Agency (PhilSA) sa DPWH Central Office niadtong Lunes, Nobyembre 3.
Gipangulohan ang seremonya ni DPWH Secretary Vince Dizon ug PhilSA Officer-in-Charge Dr. Gay Jane Perez.
Tinguha sa kasabutan nga mapalambo ang transparency ug monitoring sa mga proyekto sa DPWH pinaagi sa paggamit sa satellite technology nga gihuptan sa PhilSA.
Pinaagi sa maong inobatibong pamaagi, mas dali ug mas epektibong mamonitor ang implementasyon sa mga imprastraktura sa tibuok nasud.
Gilauman nga makatabang kini aron malikayan ang anomalya ug mapaayo pa ang paggamit sa pondo sa mga proyekto sa gobyerno.(Camille Santos Naraga)(Source: Contributed)