DAVAO CITY – Nagpadala ang Department of Public Works and Highways (DPWH) ug usa ka technical assessment team aron tukion ug suri-on ang hinungdan sa pag-collapse sa Piggatan Bridge (K525+831) nga nahimutang sa Cagayan Valley Road sa Alcala, Cagayan.
Sumala sa inisyal nga kasayuran, tulo ka 50-ton nga mga trak ang nakapahimutang sa tulay sa dihang kini naguba ug mi-collapse, nga labaw sa limit nga 18 tons nga kapasidad sa maong estruktura. Kini ang gitun-an karon isip pinaka-posibleng hinungdan sa pagkahugno.
Ang DPWH inspection team karon nagahimo sa detailed engineering assessment aron mahibal-an ang tinuod nga extent sa kadaut ug ang mga kinahanglanong lakang alang sa temporary restoration samtang ginaplano ang long-term reconstruction sa tulay.
Gitutukan usab sa ahensya ang pagpahimutang og traffic management measures aron malikayan ang kalapad nga pagkaatraso sa daloy sa trapiko ug masiguro ang kaluwasan sa mga motorista nga nagaagi sa lugar.(Camille Santos Naraga)(Source: Contributed)