DAVAO CITY – Miapil ang bag-ong gitudlong Acting Finance Secretary Frederick Go sa public auction sa Bureau of Customs (BOC) sa South Harbor, Manila, niadtong Nobyembre 20, 2025.
Kasamtangan nga nagkupot ang BOC og 13 ka nasakmit nga luxury vehicles nga konektado nila Pacifico “Curlee” Discaya ug Cezarah “Sarah” Discaya, diin pito (7) niini ang gilakip sa auction human sa public viewing niadtong Nobyembre 12–14.
Apil sa mga sakyanang gi-auction ang Toyota Tundra, Toyota Sequoia, Bentley Bentayga, Rolls-Royce Cullinan, Mercedes-Benz G500 Brabus, Mercedes-Benz G63 AMG, ug Lincoln Navigator L.
Ang maong auction kabahin sa paningkamot sa BOC nga makarekober og revenue para sa National Treasury ug masiguro nga ang mga nasakmit nga asset magamit alang sa kaayohan sa publiko.(Camille Santos Naraga)(Source: Contributed)