Nag-deklarar og full alert status ang Police Regional Office 7 (PRO7) sugod alas 5:00 sa hapon karong adlawa aron masiguro ang seguridad sa mga residente, turista, ug mga biyahero atol sa Bonifacio Day long weekend nga kadungan sa nasudnong kalihokan nga “Trillion Peso March 2.0.”
Sumala sa direktiba ni Acting Chief PNP PLTGEN Jose Melencio C. Nartatez Jr., ang PRO7 nagpadaghan sa seguridad dili lang para sa posibleng protesta apan usab sa pagdagsa sa mga pasahero sa terminals, airport, pantalan, ug komersyal nga lugar sa tibuok Central Visayas. Giingon ni Regional Director PBGEN Redrico A. Maranan nga ang full alert status nagpasabot nga andam ang tanang personnel sa pagmintinar sa kalinaw ug pagpanalipod sa hapsay nga lihok sa katawhan.
Gimandoan ni PBGEN Maranan ang tanang yunit sa kapulisan nga palig-onon ang visibility patrols, i-standby ang quick reaction teams, ug palig-onon ang seguridad sa dagkong public convergence points. Gisiguro usab niya sa publiko nga ang heightened deployment nagtumong sa malinawon nga rehiyon, hapsay nga pagdumala sa crowd, ug walay samok sa pagbiyahe bisan sa peak hours.
Bisan pa man nga ang dako nga protesta gilauman sa Metro Manila, magpadayon gihapon ang PRO7 sa pagmugna og monitoring sa bisan unsang lokal nga pagtigom o parallel activities.
Gi-awhag ang publiko sa kooperasyon sa kapulisan, pagsunod sa security guidelines, ug dali nga pag-report sa mga kahibulongan o gibiyaan nga butang.
Giingon ni Maranan, “We uphold the people’s right to peaceably assemble. At the same time, we must protect the general public, maintain order, and prevent any disturbance. Maximum tolerance, zero tolerance for violence.”
“Let us work together for a peaceful and orderly long weekend. Your PRO7 is here—visible, prepared, and ready to serve,” dugang ni PBGEN Maranan.
Source: PRO7 PIO
I via Renante Socia Lada