DAVAO CITY – Gikumpirma karong adlawa ni Interior and Local Government Secretary Juanito Victor Remulla nga ang lawas nga nakit-an daplin sa Kennon Road sa Tuba, lalawigan sa Benguet, gituohang kang kanhi Department of Public Works and Highways (DPWH) Undersecretary Catalina Cabral, nga gitaho nga nahulog sa usa ka bangin.
Base sa unang resulta sa imbestigasyon, namatay si Cabral tungod sa blunt force trauma nga iyang naangkon sa pagkahulog. Matod pa ni Secretary Remulla, walay nakit-ang samad tungod sa bala ug walay ebidensiya nga nagpakita og foul play.
Gidugang niya nga gilauman nga itunol sa bana ni Cabral ang iyang personal nga mga butang ngadto sa mga otoridad alang sa dugang nga imbestigasyon.
Samtang, gipahibalo sa Philippine National Police nga ipagawas karong adlawa ang opisyal nga autopsy report.(Camille Santos Naraga)(Source: Contributed)