DAVAO CITY – Personal nga nag-inspeksyon si Davao City Police Office (DCPO) Acting Director PCol Mannan Muarip sa mga sementeryo sa dakbayan aron masiguro ang kalinaw ug kahapsay sa pagsaulog sa Kalag-Kalag 2025.
Lakip sa iyang giadtuan ang Calinan Public Cemetery, Memorial Park, Mt. Apo Pryce Gardens Davao, Mintal Public Cemetery, Toril Memorial Park, ug Lubogan Public Cemetery.
Gipalupad usab ni PCol Muarip ang aerial drone patrols ilawom sa Oplan: Eye in the Sky aron masuta ang kahimtang sa palibot sa mga sementeryo ug mas mapalig-on ang seguridad atol sa Ligtas Undas 2025 operations.
Ang Davao City adunay 53 ka sementeryo, ug kapin 1,253 ka mga pulis ug laing mga security personnel ang gi-deploy sa tibuok siyudad aron masiguro ang kaluwasan sa mga mamisita sa ilang minahal sa kinabuhi. (Camille Santos Naraga)(Source: Contributed)