DAVAO CITY – Ang Davao City Police Office (DCPO), pinangulohan ni PMaj. Reuben T. Libera ubos sa superbisyon ni PCol. Mannan C. Muarip, misalmot sa National Clean-Up Drive sa Barangay 76-A Bucana, Davao City, isip kabahin sa pagsaulog sa ika-125 nga Philippine Civil Service Anniversary ug sa International Coastal Cleanup (ICC) 2025.
Nagkahiusa usab sa kalihokan ang lain-laing ahensya sa gobyerno, mga stakeholders sa komunidad, ug partner organizations aron ipromote ang pag-atiman sa kinaiyahan ug ang responsibilidad sa katawhan.
Naglakip ang kalihokan og mga mensahe sa suporta gikan sa mga opisyal sa CSC XI, DENR XI, EMB XI, ug Barangay Council sa 76-A. Human niini, gipakat ang mga partisipante sa ilang gikatakdang dapit nga limpyo-on.
Gipasiugda sa maong inisyatibo ang kahinungdanon sa boluntaryong pag-alagad ug panaghiusa aron maprotektahan ang coastal ecosystems ug masuportahan ang kalamboan sa komunidad. (Camille Santos Naraga)(Source: Contributed)