DAVAO CITY – Giaprobahan sa Lokal nga Pamunuan sa Davao City ang ₱2.7 milyon nga pinansyal nga tabang alang sa Davao Oriental, nga grabe nga naapektuhan sa duha ka linog nga miigo sa probinsya niadtong Oktubre 10, 2025.
Giaprobahan kini sa 21st City Council niadtong Oktubre 28, ug ang maong pondo kuhaon gikan sa Quick Response Fund (QRF) sa syudad. Sa kinatibuk-ang kantidad, ₱1 milyon ang itudlo sa probinsyal nga pamunuan, ₱500,000 para sa City of Mati, ug ₱300,000 matag-usa sa mga munisipalidad sa Tarragona, Manay, Caraga, ug Baganga.
Matod ni Konsehal Danilo Dayanghirang, gibasehan sa maong alokasyon ang mga pagsusi sa local ug provincial disaster councils aron masiguro nga mapunta sa labing apektadong mga lugar ang tabang.
Masayran nga mas sayo pa, gideklarar sa Davao Oriental ang state of calamity tungod sa magnitude 7.6 ug 6.8 nga linog nga nakaangkon ug dagkong kadaut ug displacement sa mga residente.(Camille Santos Naraga)(Source: Contributed