Nahugmak ang bahin sa dalan sa Purok 3, Barangay Mambing, New Corella, Davao del Norte, human midahili ang yuta tungod sa kusog ug padayon nga pag-ulan nga miigo sa lugar karong buntag, Pebrero 20, 2026.
Sumala sa mga residente, kalit nga mihuyang ang yuta sa ilalom sa kalsada nga misangpot sa pagguho niini, hinungdan nga nalimitahan ang paglabay sa mga sakyanan ug mga residente sa maong lugar.
Wala pa’y naiulat nga nasamdan sa insidente, apan gipasidan-an ang publiko nga mag-amping sa paglabay sa apektadong dapit.
Padayon ang pagmonitor sa kahimtangan sa dalan ilabi na kay nagpadayon ang ulan sa pipila ka mga bahin sa lalawigan.(Camille Santos Naraga)(Source: Contributed)