Padayon ang pagpasalamat ni Davao City First District Congressman Paolo “Pulong” Duterte sa tanang suporta nga ilang nadawat, ilabina alang sa iyang amahan nga si kanhi Pangulo Rodrigo Duterte.
Sa usa ka pahayag, gipasalig ni Cong. Pulong ang ilang pagpasalamat sa mga Pilipino nga nagpakita sa ilang pagsalig ug panaghiusa taliwala sa mga isyu nga nag-atubang karon sa ilang pamilya.
Nagpahayag usab siya sa panghinaot nga makabalik na sa Pilipinas ang kanhi Pangulo sa labing madali nga panahon.
“Nagpadayon among pag-ampo ug pasalamat sa inyong suporta. Sa panahon karon nga puno og pagsulay, dakong tabang ang inyong pakig-uban,” matod pa ni Cong. Pulong.(Camille Santos Naraga)(Source: Contributed)