DAVAO CITY – Arestado ang magtiayon human nga nakuhaan og gituohang shabu atol sa pagpatuman og Search Warrant sa mga personahe sa Ecoland Police Station sa Purok 50, SIRBA, S.I.R. Phase I, Barangay 76-A.
Giila ang mga dinakpan nga sila alyas Inday, 36-anyos, ug alyas Jebjeb, 30-anyos kinsa mga residente sa maong lugar.
Nakuha sa posisyon sa dinakpan ang dagkong mga pakete sa iligal nag droga nga nagkantidad sa kapin P2,724,100 pesos ug .38 nga baril.
Sa karon, himas rehas ang mga dinakpan ug magatubang sa kasong paglapas sa RA 9165 Comprehensive Dangerous Drugs Act of 2002 ug RA 10591 Illegal Possession of Firearms ang atubangon sa magtiayon. (Camille Santos Naraga)(Source: DCPO)