Davao City – Patay ang usa ka pipe installer human nga nabanggaan og tanker truck ang motorsiklong sa may dalang C.P. Garcia Highway (Diversion Road) upper Gap Farming, Brgy. Ma-a.
Giila sa kapulisan ang biktima nga si Mark Dave Daniel 49-anyos ug residente sa Brgy. Villarica, Midsayap, North Cotabato samtang ang driver sa truck mao si Rogelio Delos Reyes, 49-anyos.
Subay sa report, naglayat sakay saiyahang motorsiklo ang biktima ingon man ang tanker truck sa opposite direction dihang nawad-an ug brake ang truck ug naadto paingon sa lane sa motorsiklo ug na-angin pa ang usa ka balay.
Sa kakusog sa impact nalagpot si Daniel ug napasok ilaum sa truck ang motorsiklong iyang gimaneho.
Gidala pa sa balay tambalan ang biktima apan gideklara kining dead on arrival. (Camille Santos Naraga)
(Source: DCPO)