DAVAO CITY – Patay ang barangay kapitan sa Tres de Mayo, Davao del Sur, nga si Dodong Bucol pagkahuman kini gipusil samtang nag-Facebook Live sa buntag kaganina.
Base sa live video, nagtabang si Kapitan Bucol sa usa ka residente sa barangay sa dihang kalit nga nadungog ang usa ka kusog nga pagbuto, nga dayon gisundan sa sunod-sunod nga mga tiros. Makita usab sa footage nga midagan ang kapitan ug nangayo og tabang samtang nagpadayon ang pagpanglugos sa bala.
Gidala pa ang biktima sa ospital apan gideklarar kini nga dead on arrival.
Si Bucol nailhan nga Provincial Chairman sa PDP sa Davao del Sur.
Nanawagan si Atty. Israelito Torreon sa kapulisan nga paspasan ang imbestigasyon sa insidente aron mahatagan og hustisya ang pagkamatay sa kapitan. Ang kapulisan sa dakbayan gilauman nga magpagawas og dugang detalye sa nagpadayon nga imbestigasyon. (Camille Santos Naraga) (Source: Contributed)