DAVAO CITY – Arestado ang Top 1 nga drug personality sa siyudad human sa usa ka drug buy- bust operation nga gipahigayon sa Talomo Police Station 3 sa Mt. Terrace, KM 8.5, Matina Pangi, Davao City, alas-6:00 sa buntag, Nobyembre 26, 2025.
Giila ang suspek nga si alyas “Jan-Jan,” 25 anyos, nga sulod sa unom ka bulan gisubay ug gi- surveillance sa kapulisan tungod sa iyang ilado nga estilo sa paglihok. Sumala sa mga operatiba, pamaagi sa suspek ang pag-drop sa ilegal nga droga sa usa ka lugar ug unya mobalhin dayon aron malikayan ang pagkadakpan.
Nasakmit sa operasyon ang kapin 1 kilo sa gituohang shabu nga gibanabana og kantidad nga makaabot sa P10 milyon.
Gipasigarbo sa Talomo Police Station 3 nga ang hugot nga intel monitoring ug koordinasyon ang nagresulta sa pagkadakop sa suspek, nga giingong dugay nang nakalikay sa operasyon sa kapulisan.
Padayon karon ang imbestigasyon aron matino ang dugang kauban o koneksyon niini sa mas dako aron matino nga drug network. (Camille Santos Naraga) (Source: Contributed)