Davao City – Patay on the spot ang usa ka representante sa tribu ug Brgy, kagawad sa Sitio Bagong Silang, Baganihan, Marilog District, Davao City.
Giila ang mga biktima nga silas Indigenous Peoples Mandatory Representative Ernesto Linog Matalam, 52 anyos, ug residente sa Sitio Namnam, Barangay Baganihan ug Brgy, Kagawad Joel Daguinsal Siawan, 37 anyos, lumulpyo sa Purok 7, Pangudlutan, Barangay Baganihan.
Sumala sa report, nagbaktas ang duha paingon sa highway human nga adunay gipahigayon nga ritwal sa usa ka lote Sitio Bagong Silang, Baganihan, Marilog District sa dihang nakadungog ang mga residente ug buto sa pusil nga maoy hinungdan sa kamatayon sa duha.
Sa karon, mas gihugtan sa mga sakop sa Bravo Company sa 27th IB, Marilog PNP, MFB-XI Marilog Cluster 1, RPSB ug 1st CMFC ang imbistigasyon mahitungod sa giingong insidente. (Camille Santos Naraga)
(Source: Marilog PNP | PIO DCPO)