DAVAO CITY – Si Darrell Blatchley, usa ka iladong bone collector, environmentalist, ug founder sa D’ Bone Collector Museum sa Davao City, mipahayag sa iyang panan-aw kabahin sa mga alegasyong may nakaplagan nga mga bukog sa Taal Lake nga posibleng konektado sa mga “missing sabungeros.”
Sa usa ka post sa social media niadtong Hulyo 12, giingon ni Blatchley nga base sa mga hulagway nga iyang nakita, ang pipila sa mga bukog nagtandi sa bukog sa mga hayop nga bovine, sama sa baka ug kabaw.
Bisan pa man niini, iyang gipasabot nga posible usab nga adunay bukog sa tawo nga anaa sa maong lugar, ilabi na kay duna siyay pagtuo nga ang Taal Lake dugay nang gisaligan nga labayanan sa basura ug uban pang butang, busa dili malimod nga mahimong may kalabotan kini sa kasaysayan sa lugar.
Ang imbestigasyon sa mga bukog gitutukan karon sa Department of Justice (DOJ), Philippine Coast Guard (PCG), ug Philippine National Police (PNP).(Camille Santos Naraga)(Source: Contributed)