Gibisita ni Vice President Sara Duterte ang Duterte Photo Exhibit nga nahimutang sa Laan Van Reagan en Gorbatsjov Street sa The Hague, Netherlands, diin gipakita ang mga makasaysayanong hulagway ug mga legasiya ni kanhi Presidente Rodrigo Duterte.
Ang exhibit naglangkob sa mga importanteng yugto sa serbisyo publiko ni Duterte, lakip na ang mga programa ug inisyatibo nga nakaapekto sa katawhan sa Pilipinas.
Gipakita usab ang suporta sa mga Pilipino sa gawas sa nasud pinaagi sa pagpreserba ug pagpasundayag sa kasaysayan sa administrasyon Duterte.
Gipadayag ni VP Sara ang iyang pagpasalamat ug pagmahal sa maong pasundayag nga nagtugot sa mga tawo sa pagtan-aw balik sa mga kontribusyon sa iyang amahan alang sa nasud.(Camille Santos Naraga)(Source: Contributed)