Davao City – Topnotcher sa Licensure Examination for Teachers o LET 2023 sa tibuok nasod Pilipinas ang duha ka mga benepisyaryo sa 4Ps.
Kini ang gipasigarbo sa Department of Social Welfare and Development XI pinaagi ni Pantawid Pamilya Division Chief Margie Cabido.
Giila ang mga topnotcher nga sila Noe Luzgano nga taga Carmen, Davao del Norte kinsa nag Top 5 sa LET ug si Jean Barug nga residente sa Laak, Davao de Oro kinsa nag top 7 gikan sa kinatibuk-ang nagkuha sa LET 2023.
Gipahayag usab sa duha ang ilang dako nga pagpasalamat sa maong programa nga naghatag dili lang suportang pinansyal, apan lakip ang uban pang prebilihiyo nga nahimong dakong kabahin sa ilang kalampusan taliwala sa kapobrehon. (Camille Santos Naraga)
(Source: DSWD)