DAVAO DEL NORTE – Nailhan na ang babayeng gipusil ug napatay sulod sa iyang boarding house sa Purok 28-A, Kawayanan, Barangay Madaum, Tagum City sa kaadlawong Miyerkules, Hulyo 16.
Positibong giila sa iyang mga paryente ang biktima nga si Seannen Gellangarin, 26-anyos, usa ka online seller.
Sumala sa mga silingan, nadungog pa ang kusog nga panagbangi tali sa biktima ug sa usa ka lalaki nga misulay og sulod sa iyang kwarto, sa dili pa madungog ang pagpusil.
Gitadyakan sa suspetsado ang pultahan ug nakasulod sa sulod. Human sa pipila ka gutlo, duha ka buto sa armas ang nadungog nga maoy hinungdan sa kamatayon sa biktima nga nagtumong sa duha ka samad pinusilan.
Human sa krimen, misibat ang suspetsado sakay sa usa ka sakyanan.
Padayon pa ang imbestigasyon sa kapulisan aron mailhan ug madakpan ang suspetsado.(Camille Santos Naraga)(Source: Contributed)