DAVAO CITY – Nasakmit sa gipahigayon nga drug buy-bust operation sa Purok 5, Barangay Sto. Niño, San Jose, Negros Oriental niadtong Martes, Hulyo 15, ang shabu nga gibanabana nagkantidad og P40.8 milyon.
Ang operasyon gihimo sa mga sakop sa Provincial Drug Enforcement Unit (PDEU) ug sa Provincial Intelligence Unit (PIU) sa Negros Oriental Police Provincial Office.
Ang nadakpan giilang si alyas “Pao”, 36-anyos, nga lumolupyo sa Barangay Camanjac, Dumaguete City. Giklasipikar siya isip usa ka high-value individual sa operasyon batok ilegal nga droga.
Nasakmit gikan sa suspek ang gibanabana 6 ka kilo nga shabu.
Sumala sa imbestigasyon sa mga otoridad, ang ginasuplay nga droga gikan sa Cebu ug gibaligya sa Dumaguete ug sa kasikbit nga mga lugar. .(Camille Santos Naraga)(Source: Contributed)