DAVAO CITY – Usa ka babaye ang nadakpan sa kapulisan human masakpan nga nag-deliver og mga smuggled nga sigarilyo atol sa entrapment operation sa Barangay Población 1, Midsayap, alas 10:00 sa buntag, Oktubre 30, 2025.
Matod sa kapulisan, ang operasyon gihimo isip buy-bust human madawat ang impormasyon bahin sa ilegal nga pagbaligya sa sigarilyo. Gipasabot sa babaye nga gisugo lamang siya sa usa ka tawo aron i-deliver ang mga produkto ug wala siya masayod nga smuggled kini.
Apan, giingon sa suspek nga dili na niya makontak ang tawo nga nagsugo kaniya ug wala usab siya kaila niini. Gidala kini sa Midsayap Police Station alang sa dugang imbestigasyon.
Nakumpiska sa mga awtoridad ang lain-laing brand sa sigarilyo nga karon anaay kustodiya sa kapulisan samtang ginaandam ang pagsaka sa kaso batok sa suspetsado.(Camille Santos Naraga)(Source: Contributed)