DAVAO CITY – Trahedya ang nahitabo sa usa ka maestra nga namatay human mabangga sa motorsiklo samtang nagpalit unta og gatas para sa iyang anak sa Barangay Lanao, alas gabii, Oktubre 29, 2025.
Ang biktima giila sa kapulisan nga si Jeconi Joyce Paler, 33 anyos, usa ka maestra sa USM-KCC ug anak sa usa ka pastor. Nadala kini sa ospital ug nasulod sa ICU, apan namatay bandang alas 3:00 sa kaadlawon sa Oktubre 30 tungod sa grabeng samad.
Sumala sa imbestigasyon, kusog ang dagan sa motorsiklo ug nalagpot ang biktima nga nagtabok sa pedestrian lane. Nalambigit sab sa aksidente ang drayber sa motorsiklo nga karon naa sa ospital.
Gibiyaan ni Paler ang iyang duha ka anak. Nagpahimangno ang mga otoridad sa mga motorista nga magpahinay sa dagan ilabi na kung duol sa pedestrian lanes aron malikayan ang susamang insidente.(Camille Santos Naraga)(Source: COntributed)