MATI CITY, Davao Oriental — Nadakpan sa mga otoridad ang usa ka High Value Individual (HVI) nga nailhang alyas “Jingky” atol sa gipahigayon nga joint anti-illegal drugs operation sa Purok Bayanihan, Barangay Sainz, Mati City alas 5:50 sa buntag niadtong Hunyo 16, 2026.
Gipangulohan sa Mati City Police Station ubos sa pagpangulo ni Police Captain Ariel A. Ismael ang operasyon, subay sa direktiba ni Police Lieutenant Colonel Frederick C. Sa-ao, Acting Chief of Police, kauban ang Philippine Drug Enforcement Agency (PDEA) ug uban pang mga law enforcement agencies.
Base sa report, nasakpan sa akto ang suspek atol sa buy-bust operation. Gikan sa iyang posesyon, nasukmit ang daghang pakete sa gituohang shabu nga adunay gibana-banang kantidad nga kapin P2.448 milyon.
Gidala na sa hustong pasilidad ang nadakpan nga suspek alang sa hustong dokumentasyon ug pag-atubang sa mga kasong kalapasan sa Republic Act 9165 o ang Comprehensive Dangerous Drugs Act of 2002. (Camille Santos Naraga)(Source: Contributed