Gipagawas sa Bureau of Fire Protection (BFP) Davao ang aerial view sa insidente sa sunog sa Sitio Malamboon, Ecoland, Barangay 76-A, Bucana, Davao City, sa sayong buntag sa Martes, Pebrero 10, 2026.
Sumala sa report sa BFP, 50 ka balay ang hingpit nga naguba, ug 15 ka balay ang nadaot sa insidente, nga nakaapekto sa 75 ka pamilya base sa inisyal nga assessment.
Padayon pang giimbestigahan ang hinungdan ug ang kinatibuk-ang kantidad sa kadaot tungod sa sunog. .(Camille Santos Naraga)(Source: Contributed)