Usa ka bangkay sa babaye ang narekober sa nagpadayon nga Search and Rescue Operations sa mga technical diver sa Philippine Coast Guard (PCG) sa lumubog nga MV Trisha Kerstin 3 sa dagat sa Baluk-Baluk Island, Basilan Province, alas 7:00 sa buntag, Miyerkules, Pebrero 11, 2026.
Gipadala dayon sa PCG ang rigid-hull inflatable boat gikan sa BRP Melchora Aquino (MRRV-9702) padulong sa dive site aron kuhaon ang lawas sa babaye.
Tungod niini, misaka na sa 52 ang naitalang patay sa lumubog nga RoRo sumala sa PCG, samtang nagpabilin sa 316 ang mga nakaluwas.(Camille Santos Naraga)(Source: Contributed)