DAVAO CITY – Ang Esteros Balabak Weavers and Handicrafts Association nga gilangkuban sa 23 ka miyembro nakadawat og ₱150,000 nga tabang panginabuhian gikan sa Office of the Vice President–BARMM Satellite Office pinaagi sa Mag Negosyo Ta ‘Day (MTD) Program.
Gamit ang balabak, usa ka sagbot nga daghan sa maong lugar, nagahimo sila og environment-friendly nga mga bag ug pitaka. Pinaagi sa maong pondo, nakapalit sila og mga materyales, napaspas ang paghimo, ug napalambo ang kalidad sa ilang mga produkto. Karon, ginalakip na sa mga padala sa tibuok nasud ang ilang mga hinimo, nga nagpakita sa kahanas ug pagkamadasigon sa mga babayeng artisan.
Ang MTD Program nagtinguha nga masolusyunan ang kakulang sa trabaho ug mapadako ang kita sa mga babaye, LGBTQIA+ members, kabatan-onan, ug uban pang sektor. .(Camille Santos Naraga)(Source: Contributed)