DAVAO CITY — Naluwas sa mga personahe sa City Disaster Risk Reduction and Management Office (CDRRMO) ang unom ka mga bata nga na-trap ug nagtungtong sa dakong bato taliwala sa Agus River atol sa kalit nga pagtaas sa tubig, Sabado sa buntag, Oktubre 4, 2025.
Sumala sa inisyal nga impormasyon, nangaligo ang mga bata sa maong sapa sa dihang kalit nga misaka ang lebel sa tubig hinungdan nga dili na sila makabalik sa baybayon.
Agad nga miresponde ang mga tauhan sa CDRRMO-Marawi human makadawat og tawag sa mga residente, ug pinaagi sa coordinated rescue operation, malampuson nilang naluwas ang mga bata nga wala’y nakuha nga kadaot.
Gipasidunggan sa lokal nga pamunuan ang paspas nga aksyon sa mga rescuer ug gipasidaan usab ang publiko nga magmatngon sa kalit nga pagtaas sa tubig ilabina sa panahon sa ulan o pagpagawas sa tubig sa dam.(Camille Santos Naraga)(source: Contributed)