Digos City, Davao del Sur – Sikop ang 5 ka mga nagpayuhot og illegal nga droga atol sa gikasang drug buy bust operation sa PDEA-Davao Del Sur ug PDEA-XI, Digos City Drug Enforcement Unit ug Intel-Unit, PDEU, 1104th RMFB, SWAT DSPMFC, Coast Guard Sub-Station sa Santa Cruz ug Intel-Unit sa DSPPO sa Purok Hanapbuhay, Punta Biao, Barangay Cogon, Digos City.
Giila ang mga dinakpan nga sila Cindy Daddih Asarak, 25 anyos, Dondon Cusogan Amil, 33 anyos, Wenmar Cusogan Tahil, 22 anyos, parehong mga fish vendor ug gikonsiderang mga High Value Individual sa illegal nga droga, Rodniel Nobavos Erasga, 27 anyos, seaweed farmer ug John Mark Sordilla Masucol, laborer ug parehong mga residente sa nahisgutang lugar.
Sumala sa report, nasakpan sa mga otoridad nga drug den ang ilang nasudlan kung asa gihimo ang transaksiyon sa illegal nga droga ug si Asarak ang gitudlong drug den maintainer.
Dugang niini, ka mukabat sa kapin 18 grams sa gituohang shabu nga adunay street value nga 270,000 pesos.
Sa karon, himas rehas ang giingong dinakpan. (Camille Santos Naraga)
(Source: Digos City Police Office)