MAWAB, Davao de Oro – Sikop ang usa ka 23 anyos human gikasa ang drug buy bust operation sa mga operatiba sa PDEA-Davao de Oro, PRO-XI, Davao de Oro Police Provincial Office ug Mawab Municipal Police Station Barangay Poblacion, Mawab.
Giila ang dinakpan nga si Ariel Carurubias, 23 anyos ug residente sa giingong lugar.
Base sa report sa PDEA-XI, napalitan ang suspek og balor 12,000 pesos sa gituohang shabu ug nasubay sa mga otoridad nga giingong drug den diay ang ilang nasudlan kung asa gihimo ang transaksiyon.
Dugang niini, nga atoll sa operasyon timbog usab ang duha pa ka mga kaubanan sa suspek nga matud sa report, aktong nag shabu session nga giila sa taga PDEA nga sila Eldie John Herbolingo ug Sofronio Salas.
Gawas sa napalit nga illegal nga droga, nakasignit pa gyud ang mga otoridad og laing 4 pa ka mga sachets nga naay sulod sa gituohang shabu ang ilang nasignit nga mokantidad sa 93,000 pesos base sa Dangerous Drugs Board kon DDB value.(Camille Santos Naraga)
(Source: PDEA-XI)